Үнэн бүхний өмнө худлыг шатаавал
Хүсэл сэтгэл хоёр хөтлөлцөөд үлдэнэ
Хэлж болдоггүй үнэн гэж байдаг ч
Хорьж болдоггүй хайр гэж байдаг
Бодит юм шиг хоосон байхад
Хоосон юм шиг бодит байдаг
Хоёул зэрэг үл орших
Зүрх нэг л байдаг
Хувь зохиол таардаггүй
Хорвоо өөрөө гаслантай
Бурууг буруу гэдгийг
Би яаж мэдэх вэ?
Будилсан зүрхээ чагнавал
Буруу тийшээ зааж байна
Зөвийг зөв гэдгийг
Би яаж мэдэх вэ?
Зөв гэсэн бүхэн минь
Зүүдэн дунд мин сарниж байна
Хүн байхын хууль ч
Хүч хүрэхгүй хүсэл минь
Хорвоо чиний өөдөөс
Ичихээ мартан сөрж байна
Тэр сөрсөн ганц оч л үнэн
Үнэн учир үг болон урсаж байна
Хэлж болохгүй үнэн бүхний өмнө
Хэлбэр болсон худал бүхнийг шатаавал
Хүсэл хайр хоёр хөтлөлцөөд
Хаачихаа мэдэхгүй чамруу ширтэн зогсоно.
2014
